Afghanistan an chak hram

Afghanistan-in ICC World Cup an khelh hmasak berah chak hmel an hmu ve ta a, wicket khat lekin Scotland an hneh.

University Oval, New Zea­land-ah bat hmasa zawk Scotland-in over 50-ah run 201 siamin mi sawm an out. Scotland batsman-te an che ṭha lo a, half-century siam tling pawh an awm lo. Afghanistan tan Shapoor Zadran chuan wicket la hnem berin wicket li a la a, run 38 chiah a pe.

Afghanistan bat hun a thleng a. Afghan batsman-te'n an target theihtawpin an um a, run siam hnem ber Samiullah Shenwari chuan ball 147 a hmachhawnah run 96 a vawchhuak.

Afghan tan Javed Ahmadi chuan ball 51 a hmachhawnah run 51 a vawchhuak bawk a, over 49.3-ah run 211 siamin mi pakua an hloh a, Bangladesh leh Sri Lanka an hneh loh hnuah chak hmel an hmu ve ta a ni.

Scotland tan Alasdair Evans chuan wicket li lain run 30 chiah pe chhuak mah se a a team-te a chak pui zo lo.