Kane hi ka dang thei - Courtois

Chelsea goalkeeper Thibaut Courtois chuan Tottenham Hotspurs striker che ṭha tak Harry Kane chu a dan theih tur thu a sawi.

Pathianni khian Chelsea leh Tottenham te hi Capital One Cup final-ah an in hmachhawn dawn a, kum 21-a upa Spurs forward Kane hi a khelh ngei beisei a ni. Chelsea leh Tottenham hi Premier League-a an intum ṭumin 5-3 in Spurs lakah Blues ho hi an lo tlawm tawh a, khami ṭum khan Harry Kane chuan goal hnih a khung.

Courtois chuan Kane hmaa goal chhuah nawn a tum tawh loh thu sawiin, "Kane dan dan tur hi ka hria a ni. Engtinnge ka dan dawn tih erawh tuna sawi chi a ni lo. Striker-te khelh dan leh pet dan hi nasa takin video-ah enin ka zir chiang ṭhin. Mahse, football chu football a ni a, engtiklai pawhin game-a in thlak danglam thei a ni," a ti.