Chanmari tan Vincent

I Day Football 2024-ah Chanmari FC-in nimin khan Bethlehem Venghtlang FC 5-0 in an sawp a, Lalsangzuala Hmar hote hi semifinal lut hmasa ber an ni. Chanmari tan Baktawng tlangval Vincent Lalduhawma'n hattrick a siam a, Moses Lalrinzuala leh Lalnunzama ten an khung belh bawk.

Inkhel dangah Sihphir Venghlunin semifinal beiseina nei turin SYS 2-0 in an hneh a, Malsawmtluanga leh PC Lalruatsanga ten goal an khung. Group match hnuhnung berah Sihphir Venghlunin Ramhlun Athletic an hmachhawn dawn a, hnehna an chang a nih chuan semifinal an lut thei dawn. Chutihrualin Ramhlun tan semifinal lut turin draw a tawk.