Record thar siamtu Duplantis

Sweden tlangval Armand Duplantis chuan Paris Olympic 2024 neih laia men's pole vault huangah gold medal a dawng a, pakhatna ni tur hian 6.25m zeta sang zuangin world record a ni nghal.

Mizo ten kan hriattthiam dan tur chuan, pole vault chu tiang hmang chunga sang tak in zuan kahlen a ni. Tun hma lama Olympic record lo awm tawh sa chu 6.10m a sang a ni a, tunah Duplantis hian a rawn khum ta chiah.

Duplantis hian Tokyo Games 2020-ah khan gold medal a lo dawng tawh bawk. American mi Bob Richards (1952 & 1956) hnuah chuan a zawna pole vault title la leh thei hmasa ber a ni hial.

World Championship lama gold medal vawi hnih la tawh bawk Duplatis dawtah hian - United States mi Sam Kendricks (5.95m) a awm a, pathumna chu Greek tlangval Emmanouil Karalis (5.90m) a ni thung.