Tlai dar 2:30-ah India Vs Sri Lanka

India leh Sri Lanka ten vawiin tlai dar 2:30 hian ODI match thum an khelh tura hnuhnung ber chu R. Premadasa Stadium, Colombo-ah an khel dawn. Lions hian 1-0 in hma an hruai a, Rohit Sharma hote tan draw bak tihtheih a awm tawh lo.

Men in Blue tan hna harsa tur awmin lang lo mah se an mikhualna ramah bul an ṭan ṭha lo. Match hmasa berah mak takin team pahnih hi an inhnehtawk. Sri Lanka-in over 50-ah 230/8 runs an siam a, India-in over 47.3-naah 230 runs an siam tawh a, chak turin run khat chiah an mamawh tawh.

Mahse, Charith Asalanka-a'n Shivam Dube a vawm hlum a, Dube aia lut Arshdeep Singh-a 'golden duck'. India leh Sri Lanka te an inhnehtawk. Match hnihnaah Sri Lanka pawh bat hmasain 240/9 runs an siam a, India tan hna harsa tur niin a lang lo.

Captain Rohit (64) leh Shubman Gill (35) te che chhe lo mah se middle order leh tailender an chesual a, over 42.2-ah 208 runs siamin an thi fai vek. India hi match thumnaah an chesual lo a nih chuan Sri Lanka lakah an mualpho ang a, Lions-in 2-0 in series an la ang.