Panenka dinhmun a ziaawm

Penalty chhuih dan lar tak 'Panenka' ching chhuaktu Antonin Panenka chu kar khat chhung ICU-ah enkawl a nih hnuin a dinhmun a ziaawm hret a, Nilaini zan khan damdawi in a chhuahsan.

Panenka hi kum 71 mi a ni tawh a, a kum upa tawh mah se a thil chin chhuah erawh ṭangthar ten an la ngaisang hle. 1976 European Championship final-ah Czech Republic chakna goal a khung dan chu a lar pui a ni.

Czech leh West Germany te 2-2 in an inhnehtawk a, penalty hmangin chak zawk zawn a ni. Panenka hnian a tawpah goalkeeper Sepp Maier leh a entu mipui a bum, goal laiah zawi tein a 'chip' lut keuh a, an ramin tun thlenga nomawi lian an chawi awmchhun chu a hlawhchhuah pui.

Panenka hi tunah chuan Czech club Bohemians 1905 president a ni. Club chuan thuchhuah siamin, "Kar khat chhung damdawi inah uluk taka enkawl a nih hnuah club president leh legend ni bawk chu an inah a haw leh ta a, engkim a ṭha zawnga a kal chhunzawm kan beisei," a ti.