Pakistan fans an lawm lo

Pakistan chief selector Moin Khan chu World Cup laia casino a lo tlawh avangin an ram lamah thawn haw a ni.

Pakistan hi kumin World Cup-ah an che fuh hleithei lo a, an match hmasa bera India an hneh loh hnuin, West Indies lakah an mualpho leh a, field chhunga an chetchhiat em em laia chief selector ber casino-ah nuam a lo tawl hi fan-te chuan an ngai haw hle a ni.

Casino-a tlawh vanga Pakistan Cricket Board-in an chah haw Khan chuan, "Casino-ah khan ṭhiante nen zanriah kil tur ringawta kal ka ni. Mahse, field chhunga kan team khelh dan ngaihtuahin ka chet danah hian ka thiam lo tih ka pawm a ni," a ti.

Kum 43-a upa Khan hi Karachi airport-ah fans thinrim tak takin an lo hmuak a, venhimna chhah tak hnuaiah hruai chhuah a ni. Pakistan hian Pathianni zingah Zimbabwe an khel leh ang.