Mizoram tan medal pathum la

Mizoram aiawha taekwondo khel te chuan 7th National Cadet Kyorugi & Poomsae Taekwondo Championship-ah silver medal pakhat leh bronze medal pahnih an hlawh chhuak.

Inelna hi Visakhapatnam, Andhra Pradesh-ah neih niin, Aditya Srivastava chuan - Punjab, Haryana leh Tamil Nadu a hneh hnuah final-ah Maharastra lakah 13-10, 10-10, 7-11 a chak loin silver a la.

Esther Vanthangpuii, Khawruhlian, SAI Aizawla awm mek leh Lalruatpuia Chanmari West, tuna TABF a zir mekten bronze medal an dawng thung.

Esther Vanthangpuii hi Uttarakhand leh Jharkhand aiawh a hneh hnuah semifinal-ah 3-0, 6-9, 9-2 in Gujarat mi a paltlang zo lo. Lalruatpuia (Chanmari West) pawhin Jammu & Kashmir, Madhya Pradesh, Punjab aiawhte a hneh hnuah, semifinal-ah Uttar Pradesh nen intumin, 18-8, 14-12, 12-14 in a chak lo.

Poomasae lamah Pair-a khel Belina Lalmalsawmi (Armed Veng) leh Reuben Lalruatdika (Chaltlang) te chu final round lut mah se, medal la pha loin an tawp thung.

Mizoram team-te hi Lalthlamuanpuia leh Doris Lalhmangaihzuali ten hruaiin, referee Lalinpuia a kal bawk.