CAM hnuaia inziah luh hun a hnai

Cricket Association of Mizoram (CAM) chuan 2024 – 2025 season atan inziah luhna hun chu August 15-31 chhung hian a hawng dawn a, CAM hnuaia club leh player te affliliation ti turin a hriattir.

CAM Technical Bu – A.2 in a sawi angin Club affiliation hi August 15 – 31, 2024 inkarah, online in (https://cricketmizoram.com) tih fel vek tur a ni ang. Hemi hunchhung hian player transfer leh registration tih fel vek bawk tur a ni. CAM hnuaia club lo ni tawh sa te leh club indin thar te tan affiliation hi tih tur a ni.

Season hmasa lam CAM hnuaia player inziaklut tawhsa te tan registration tih nawn a ngai tawh lo a, club danga in transfer tur an nih erawh chuan in register hran ngai tawh loin hemi site kaltlang tho hian transfer tih tur a ang.

Player regiatration ti tur tan – Mizoram sorkar hnuaia Voter’s ID/Adhaar card leh ration card original, passport, signature te hi upload tur a ni ang. Player document dik lo te leh rinhlelh awmte chu original document enfiah tura reject an ni ang. Registration tih hun chhung bak chu player ziah luh leh paih theih a ni tawh lo bawk ang.

Player registration hi player khelhna tur club chauha tih theih a ni a, club affiliation ti thar tur tan club account siam a ngai bawk. Player tam lam hi 1st division – 3rd division tan player 15 aṭanga 30 inkar inziahluh theih a ni a, 4th division/Non League tan erawh a tam lam bituk siam a ni lo thung.

Club affiliation hi online a tih tur a ni lo a, CAM office-ah emaw CAM Hony. Jt Secretary hnenah emaw Gpay leh cash a pek theih a ni ang. Hnam bil, mimal hming leh pawl bil hminga club hming phuah/din theih a ni lo. Affiliation hi CAM hnuai Club lo inziaklut tawh tan Rs. 300/- leh affiliation ti thar tur tan Rs. 500/- a ni ang.

CAM hnuaia district area ṭheuha club hi din tur a nih avangin Aizawl district area pawna mi te chuan anmahni awmna district hnuaiah chauh club affiliation hi an ti tur a ni. Club affiliation leh player registration chungchanga zawh duh leh hriatchian duh nei te chuan CAM office/staff te hnenah emaw CAM Joint Secretary hnenah emaw affiliation hawn hun chhungin zawhfiah theih a ni ang. CAM Technical Bu hi CAM website-ah entheihin dah a ni bawk.