Semifinal-ah US an lut

United States mipa basketball team chuan Paris Olympic 2024 neih laiah semifinal an lut, an khingpui Brazil chu 122-87 in an hneh a, a zawna a vawi nga nan Olympic gold medal lak ngei an tum.

US hian harsatna lian tham an tawk lo a, a tir aṭangin buaina an nei lo. Chawlhlawk laiin 63-38 in hma an hruai fal hman tawh a, a tawp thlengin an chungnung thei a ni.

Brazil hian second half-ah na takin an bei let, an inkar hi point li leka tih zim lai pawh an nei. Amaherawhchu, NBA All-Star zinga tel phak rual awmkhawm US pawtthla turin theihna an nei tawk lo.

NBA Most Valuable Player (MVP) ni tawh pali telna USA hian semifinal-ah chuan Serbia an hmachhawn dawn. Inkhel dangah Serbia hian Australia chu 95-90 in an lo hneh ve thung - zaninah final lut tur zawk an chingfel leh ang.

Quarterfinal inkhel dangah France chuan Canada 82-73 in an hneh a, a dangah Germany pawhin Greece chu 76-63 in an hneh. Inelna thlengtu France leh Greece te hian final luh an inchuh ve leh thung dawn a ni.