Griezmann a chhuak mai thei

Major League Soccer club Los Angelese FC chuan Atletico Madrid thiampuipa Antoine Griezmann an dawr a, France international hian USA lam hawiin a puanthuah a tel lo ang, tih a sawi theih loh.

Kum 33 mi Griezmann hian a contract-ah tun nipuia euro maktaduai 10 leka chhuah theihna dan a nei a, LAFC lam hian a man pek an zuam viau mai thei - tun hmain MLS lama kal a hnial loh thu a lo sawi tawh bawk.

Griezmann hian season hman zawh takah khan inelna hrang hrangah match 48 khela goal 24 khungin, assist vawi riat a nei a, Atletico tan a la ṭangkai viau.

LAFC hian France tana Griezmann-a khelhpui ṭhin, Hugo Lloris chu December 2023 khan an keeper turin an la lut a, France international hlui Olivier Giroud chuan tun nipuiah LAFC hi a zawm ve bawk.