Leipzig-ah loan-in Simons a kir

Paris St-Germain winger ngaihven hlawh Xavi Simons chuan amah duhtu club langsar tam tak hnarin, RB Leipzig-ah bawk a kir a, German club-ah hian season khat chhung loan-a khel turin contract a ziak.

Netherlands international Xavi Simons hian season hmasa kha Bundesliga lamah hian loan-in a lo khel tawh a, German club tan match 43-ah goal 10 khunga assist vawi 15 neiin, table-a palina ni chungin season a kharpui a ni.

Simons chuan, "Leipzig ka pan khan ka duh zawng zawng ka nei a ni ber a, team ropui tak ka zawm a, ka chungah an rinna an nghat vek a ni. Chu chauh a ni lo - he club hian min ngaihlu a, tun hnaiah min duh thu an sawi fo a, min mitthla chungin ruahmanna an siam zel a ni," a ti a, German club a zawm chhan a sawi.