Benfica-ah DiMaria cham dawn

Argentine winger Angel Di Maria chuan Benfica-a a contract neihlai chu kum khat atan a pawtsei a, Portuguese club-ah kum 2025 thleng a cham ang.

Kum 36 mi Di Maria hian thla liam ta khan Argentina chu Copa America-ah a champion pui a, inelna neih zawh hian ram tana inkhelh a chawlhsan tur thu a puang. Argentine winger hian ram tan match 145 khelin goal 31-a khungsak a, Copa America nomawi pahnih leh World Cup a champion pui a, hei bakah hian FIFA U20 World Cup (2007) leh Olympic Games (2008) ah te a champion tawh bawk.

Di Maria hian an ram club Rosario Central aṭangin bul a ṭan a, Benfica zawmin Real Madrid-ah hming a chher a, Spanish club tana a khelh hnuin Manchester United, Paris Saint-Germain leh Juventus tan a khel leh a, hemi zawh hian a bul ṭanna Benfica-ah kum 2023 khan a kir a ni.