United an ding nghet

Manchester United chuan an midfielder Scott McTominay chu Fulham-in duh mah se, an ṭanna ngaiah an ṭang tlat a, Scotland international hi £30mtd aia tlawma hralh an tum lo.

Fulham hian McTominay manah hian £20mtd an phal a, mahse, United hian an lo hnar tawh. Premier League club-ten sum hman phal chin an neih avangin, Cottagers hian transfer an mamawh dang thlirin, Red Devils phalna zat hi an ngam kher ang em, tih chu zawhna a ni.

Kum 27 mi McTominay hian season hmasa khan United tan match 43 khelin goal 10 a khung a, assist vawi thum a nei. Mahse, heng zinga match 27-ah chiah hian bul a ṭan a, match rukah bench aṭanga lakchhuah a ni bawk.

United midfielder hian regular taka inkhelh a duh nia sawi a ni a, Bruno Fernandes, Mason Mount leh Casemiro an awm sa bawk si avangin chhuah a hnial lo ang.