LBS Suzuki CYMA Volleyball : A ruh no an chhuak zel

CYMA leh Mizoram Volleyball Association (MVA) buatsaih LBS Suzuki 23rd Inter Branch YMA Volleyball Tournament 2024 chu R. Dengṭhuama Hall-ah khelh chhunzawm zel a ni a, team ṭha danglamna a lang ṭan. Nimin inkhelah mipa champion lai Hunthar bakah team ṭha Muanna Veng, Chhinga Veng, Khawhai leh PVL club nei thar Khawbel ten hnehna an chang.

Hmeichhe lamah PVL champion lai awmna veng Luangmualin harsatna nei loin hnehna an chang a, vawiin lamah team ṭha Bungkawn, Kanan, Armed Veng South leh Kolasib Diakkawn te an inlan dawn.