Medal la phak lo Mirabai Chanu

Paris Olympic medal la phak tura beisei zinga mi Mirabai Chanu chu palina a ni a, medal a la phak lo. India chuan weightlifting huanga medal a beiseina a thamral nghal bawk.

Manipur nula hi Nilaini zan khan women's 49kg weightlifting event-ah a inlan a, hliam vanga hun rei tak rit a chawi theih lohna chuan nghawng a nei tih a lang, a total-ah 199kg a chawi a ni.

4ft 11in a sang Chanu-i hian Chinese mi Hou Zhihui (total 206), Valentina Cambei (205, Romania) leh Surodchana Khambai (200, Thailand) te a tluk lo, medal la turin 200kg pelh a tumna chu a hlawhtling lo.