Toronto lamah Osaka a chak

US Open inbuatsaihna zinga mi National Bank Open khelh laiah Naomi Osaka a chak, a khingpui Ons Jabeur chu 6-3, 6-1 a hnehin a match hmasa berah harsatna a tawk lo.

Japanese nula Osaka hi seeded pakuana Jabeur lakah rinkai lo zawk a ni, mahse hard court tournament hi chu a inkhelh thiamna hmun a ni a, set hnih an khelh chhungin harsatna a nei lo tiin a sawi theih.

Fa a neih hnuah Osaka hi a lo kir leh a, tun hma lama khelh dan la phak chiah lo mah se ngai a awh chho leh mek, fa neih hnuah world number 20 aia sang player panga a hneh tling leh tawh a ni.

Grand Slam vawi li champion tawh Osaka chuan, "Ka tana helai hmun hlutna hi chu thil lang sa a ni a, a bik takin player ṭha Ons te ang ka hneh avangin ka tan chuan a nuam zual," tiin a khelh danah a lungawi hle.

Osaka hian a match lehpekah chuan Elise Mertens a hmachhawn ang. Belgian nula Mertens hian inkhel dangah American mi Katie Volynets chu 6-3, 6-1 in a lo hneh ve thung a ni.