Gurpreet Singh a thlawk sang zel

India international goalkeeper Gurpreet Singh Sandhu chuan Ningani zan khan Norwegian club Stabaek tan Europa League-ah goal a veng a, Indian player zinga European top-flight league match khel hmasa ber a nih hnuah khawmualpui inelnaa inlan hmasa ber a ni leh ta.

Europa League first qualifying round inkhelah Stabaek hian Welsh club Connah Quay an hmachhawn a, goal khung loa an inhnehtawkna inkhelah hian kum 24-a upa goalkeeper hian Michael Wilde-a goal shot ṭha tak a dan hnuah a inhliam a, minute 30-naah lakchhuah a ni.

Kum 2014-a Stabaek zawmtu Gurpreet hma hian Indian player zingah Mohammed Salim (Celtic), Bhaichung Bhutia (Bury FC), Sunil Chhetri (Sporting Clube de Portugal B) leh Subrata Paul (FC Vestsjael-land) te chuan European club tan an lo khel tawh a, inelna sanga inlan pha an awm lo thung.