Asia player man to ber Hulk

Hulk chu Asian foot-ball chanchian player man to ber a ni. Brazil for-ward hian Zenit St Pe-tersburg
aṭangin Chinese Super League (CSL) club Shang-hai SIPG chu pound maktaduai 46.1 zetin a zawm.

Kumin kum tir lam khan Jiangsu Suning chuan Alex Teixeira man atan pound maktaduai 38.4 an lo hmang tawh a, Asian football chanchina player man to ber a ni hman - mahse tunah chuan England boss hlui Sven-Goran Eriksson-a enkawl Shanghai hian Hulk lakluh nan an rawn khum.

Brazil tan match 46 a khelh aṭanga goal 11 khung tawhtu Hulk hian Porto a zawm hmain Ja-pa-nese club pathum tan ngawt a lo khel tawh a, Portuguese club
aṭang hian 2012 khan Zenit chu pound maktaduai 32 in a zawm. Tunah chuan Sunderland striker hlui Asamoah Gyan hnung zuiin China-ah a inkhel tawh dawn a ni.

Chinese Football Association chuan kumin March thla khan kum 2025-ah chuan "world football superpower" ni thei tawh tura ruahmana an siam thu an puang a, tun hnaiah Chinese club te hian player lakluh nan pound maktaduai 200 dawn an seng tawh.