Man City-ah Nolito

Premier League club lian Manchester City chuan pound maktaduai 13.8-in Spain forward Nolito chu La Liga club Celta Vigo aṭangin an lalut.

Kum 29-a upa Nolito hian kum li daih contract a ziak a, manager thar Pep Guardiola-a'n tun nipui chhunga a player lakluh pathumna a ni. Bayern Munich manager hlui hian midfielder Ilkay Gundogan leh Aaron Mooy te a lo la lut tawh bawk.

Spain international hi Euro khelin France-ah a kal a, match li an khelhah inkhel bul a ṭan vek mah se last 16-ah Italy 2-0 a hneh loin an tla.

Season hmasa La Liga-a goal 13 kungtu Nolito chuan, "Pep Guardiola hi khawvela manager ṭha berte zinga mi a ni a, a kaihhruaina hnuaiah ṭha taka ka khelh chhuah theih ka beisei. A hnuaiah hian hmalam ka pan zel pawh ka ring," tiin Barcelona-a amah lo enkawl tawhtu Guardiola chu a rintawk thu a sawi.