Saints manager thar Claude Puel

Southampton chuan Everton laka an manager Ronald Koeman an chan hnuah manager thar an nei ve leh a, season thum chhung an coach ni turin Nice boss hlui Claude Puel chu an lalut.

Saints executive direc-tor of football Les Reed chuan, "Hming langsar leh tawnhriat ngah tak tak karah Claude hi kan thlang a, a hnathawh dan hi kan club kalphung nen a inmil bakah club mamawh min pe thei tur a ni," tiin an coach thar chu a fak.

Southampton hian Claude Puel an lakluh hma hian Roma boss hlui Rudi Garcia leh Manchester City manager hlui Manuel Pellegrini te pawh dawr mah se French manager lalut tur hian thutlukna an siam ta zawk a ni.

Remi Garde ban a nih hnua Aston Villa manager lailawk Eric Black chuan assistant manager hna a chelh ang a, Boulogne coach hlui Pascal Plancque chu assistant first team coach a ni bawk ang.

Tu nge Puel?

Kum 54-a upa mana-ger hian player a nih laia kum 17 zet a lo khelh tawhna Monaco-ah kum 1999 khan a coaching career a ṭan a, 1999-2000 sea-son-ah league nomawi chawipuiin 2002 khan Lille a pan. Kum 2008 khan Lyon enkawlin season thum a cham a, 2009-10 season-ah khan Champions League semi-final a hruai thleng thei a ni. Kum 2001-a Lyon a chhuahsan hnuah Nice pan lehin French club hi season hman zawh tak thleng kha a enkawl.