Neymar a chhuak lo ang - president

Barcelona president Josep Bartomeu chuan an star player Neymar chu a chhuah loh thur thu leh hun rei lo teah contract thar an ziah pui tur thu a sawi.

Kum 24-a upa Neymar hian 2013 season khan Santos aṭangin pound maktaduai 48.6 in Barca a zawm a, La Liga match 93 a khelh aṭangin goal 55 a khung tawh. La Liga leh Copa del Rey nomawi pahnih a chawi pui tawh bakah Champions League-ah a champion tawh bawk.

Tuna a contract neih lai hi kum 2018 thleng daih a ni - Brazil captain hi Ligue 1 club hau-sa Paris St-Ger-main chuan lakluh tumin an lo hel ve reng. PSG hian Cham-pions League-a hlawhtlinpui tham an zawng ve mek.

Bartomeu chuan, "Neymar hian kan hnena cham zel a duh a, keini pawhin kan bula awm turin kan duh. Hun rei lo teah kum nga daih contract kan ziak fel ang," tiin an forward chu chelh rei an tum hmel hle.

Brazil tan match 70 a khelh aṭanga goal 46 khung tawhtu Neymar hi Copa America-ah a inlan lo a, an rama neih tur Rio Olympic-ah a inlan duh zawk avang a ni.