Hammers-in Benrahma an hnaih
West Ham-in an squad thuam chak turin transfer bazar-ah an mit an len chhunzawm zel a, Brentford forward Said Benrahma chu pound maktaduai 30-in an lalut ngei dawn niin a lang - he thuziak i chhiar meuh chuan an inlalut fel tawh hial ang.
Hammers hian Benra-
hama manah hian pound maktaduai 25 chu an pe nghal ang a, pound maktaduai nga dang hi a khelh ṭhat dan a zira pek leh tur a ni.
Brentford tan chuan Algeria international hralh hi hlawkna ṭha tak a ni dawn a, kum hnih liam ta khan French club Nice aṭangin pound maktaduai thum chauhin an lei.
Kum 25 mi forward hian season liam taah khan Championship match 43 a khel a, goal 17 a khung - Hammers hian ṭangkaipui theih an inbeisei ang.
European top five league-ah transfer bazar khar tawh mah se English football bikah tualchhung bazar an la khar lo a, Premier League club tan EFL hnuai lam aṭangin player lakluh theih a la ni - zanin dar 9:30-ah he hun pawh hi a tawp dawn thung.