Messi lo kir rawh - Ronaldo

Brazil legend Ronaldo-a'n Argentina tana khelh tum tawh lo Lionel Messi chuan a thutlukna thlak leh se a duh thu a sawi chhuak.

Inelna lian final palia a chak loh hnuah Argentina captain Messi chuan ram tan a inkhelh tawh loh tur thu a sawi a, Argentina legend Diego Maradona leh president Mauricio Macri te chuan an ram fapa rangkachak hi lo kir leh turin an lo au tawh bawk.

FIFA World Cup-a Brazil champion pui tawhtu Ronaldo chuan, "Mimal duhthlanna a nih avangin Messi thutlukna hi kan zah tur a ni. Chawlh a tum hian min ti hnual vek a, a ngaihdan sawh sawnin a lo kir leh ngei ka beisei," tiin a sawi.

FIFA Ballons d'Or chawimawina vawi nga dawng tawhtu Messi hian club inelnaah Bar-ce-lona chu champion theihna zawng zawngah champion pui mah se Argentina a hlawhtlin pui zo lo a, a phu tawk ang fakna a dawn theih loh pah. Mahse, kum 29-a upa Messi hi an ram tana goal khung hnem ber (55) dinhmun chelhtu a ni.