Falcao leh Pato an chhuak

Radamel Falcao, Alex-an-dre Pato leh Marco Amelia te chu Premier League club Chelsea a-
ṭangin an chhuak.

Pato leh Falcao te hi Blues tan loan hmanga khel an ni a, an inremna chu June 30 khan tawpin an pawh sei sak lo. October thlaa free transfer-a an lakluh Amelia chu Thibaut Courtois a awm avangin a club tan inlan miah loin a chhak bawk.

Brazilian striker Pato hian Blues tan Premier League match hnih khelin goal khat a khung a, a agent Gilmar Veloz chuan Chelsea-ah luh ngheh an duh thu sawi mah se London club hian an chelh duh lo - tunah chuan Corinthians lamah a kir leh ang.

Manchester United-a a hlawhchham hnua Stamford Bridge lama insawn Falcao hi hliamin a tihbuai fo avangin khelmual chhungah a hmel kan hmu tam lo a, season tharah chuan amah neitu tak tak French Ligue 1 club Monaco tan a khel dawn a ni.