Everton defender Stones man a to

Manchester City chuan Everton defender John Stones lakluh an duh a nih chuan pound maktaduai 50 tal an insen a ngai dawn niin khawthlang media-te chuan an tarlang.

Manager thar Pep Guardiola en-kawlna hnuaia khel tur City leh Everton hian inbiakna erawh an la ṭan lo a, kum 22-a upa defender manah City hian Merseyside club sum phut ang zat hi an pe thei a nih chuan Britain defender man to ber a ni dawn tihna a ni.

Everton hian season hmasa ṭan dawn khan pound maktaduai 40 nena John Stones lakluh tumtu Everton chu an lo hnar fithla ṭhak tawh a, City pawh hian an phut ang zat sum an sih hmuh a nih loh chuan hralhchhuah loh an pawi ti lo ang.