United-ah Mkhitaryan a lut dawn

Manchester United chuan Borussia Dort-mund aṭangin attacking midfielder Henrikh Mkhitaryan an lalut dawn ta. Kum 27-a upa midfielder man zat tur hi la puanzar ni chiah lo mah se pound maktaduai 26 bawr vel ni tura beisei a ni.

Dortmund chief exe--cutive Hans-Joa-chim Watzke chuan, "Mkhi-taryan hi chhuahtir kan phal lo a nih chuan kum 2017-ah a thlawna kan chhuahtir a ngai dawn a, tuna chhuahtir mai hi club tan chuan thutlukna dik a ni," tiin Armenia captain chuan contract thar ziah a tum loh vanga chhuah an nih thu a sawi.

Armenia football chan--china hriat hlawh ber pawl Hamlet Mkhitaryan fapa Henrikh Mkhitaryan hi an ram captain niin Armenia tan vawi 59 a inlan tawh a, kum 2013 khan Dortmund hi Shakhtar Donetsk aṭang-in pound maktaduai 23.5-in a zawm. Season hman zawh tak-ah khan inelna hrang hrangah goal 18 khungin Bundesliga Players' Player of the Season-ah thlan a ni hial.

Mkhitaryan hian a mimal thilah United nen an inrema medical a patlang thei a nih chuan Ivory Coast defender Eric Bailly leh Zlatan Ibra-himovic hnua tun nipui bazar chhunga Old Trafford pantu player pathumna a ni dawn tihna a ni.