Referee Development Course a hlawhtling

AIFF leh MFA ten an buatsaih Referee Deve-lopment Course chu July 2, Inrinni khan zawh fel a ni.

June 27-a ṭan referee tuai hriamna hunah hian AIFF-in instructor pahnih C.R. Singh leh Supriya Bhattacharya te an rawn tir a, tualchhung referee 50-in he hun hi an chhim.

Kar khat chhung training neih hnuah Inrinnni khan practical test neih a ni a, mi 46-in test hi hmachhawnin 32 in an paltlang a, heng zinga pali hi hmeichhia an ni.

District pariat zingah Lawngtlaiin an aiawh an tir thei lo a. Aizawl-in referee 23 thawhin, Lungei (9), Serchhip (7), Kolasib (5), Champhai (3) leh Saiha (3) aṭangin Referee Development Course hi an chhim bawk.

Referee Instructor C.R. Singh chuan, "AIFF-in referee ṭha zawk neih a duh a, Mizoram hi en bik leh duhsak bik state te zinga mi a ni," tiin India rama football thuneitu sangin Mizoram a duhsak thu a sawi.