100m butterfly-ah Phelps

Michael Phelps chuan Olympic-ah a zawna a vawi li na turin 100m butterfly gold medal dawn theihna hun a nei thei dawn. American tui hleuh thiam hmingthang hian Inrinni khan US Olympic trial-ah pakhatna dinhmun luahin Rio-ah an ram ai a awh thei dawn. 200m butterfly-ah pawh ram aiawh tur hian a lo tling tawh bawk.

Kum 31-a upa Phelps hi Ameri-can infiammi zingah tui hleuh bika Olympic-a vawi nga inlan thei hmasa ber tur a ni. Athens, Beijing leh London lama ropui taka lo inlan tawhtu hi Rio-ah pawh khawvel mipui hmuh chak a ni leh ang.

Olympic medal 22 zet la tawhtu Phelps chuan, "Ka ke lamah harsatna ka nei tawh lo a, ka duh angin tui ka hleuh leh theih tawh avangin beisei ka nei sang leh tawh," tiin a hma hun a thlir.