Leicester player thar Nampalys Mendy

Premier League cham--pion Leicester City chuan French midfielder Nampalys Mendy chu Ligue 1 club Nice aṭangin kum li chhung atan an lalut.

Kum 24-a upa Mendy hian 2013 season khan Nice hi a zawm a, inelna hrang hrangah 110 inlan tawhin season hmasa phei kha chuan a club tan hian match zawng zawng a khel kim vek. France Under-21 team tan pawh match nga khel ve tawhin senior team tan erawh a la inlan lo thung.

Foxes coach Claudio Ranieri chungah rinna a nghah thu sawiin Mendy chuan, "Ka coach hrawn tur hi a rilru put hmang leh thil tumte ka hria a, ka phur. Premier League hi ka en ngun a, chet ran a ngaih bakah tharum a ngai hnem bawk, chona thar hmachhawn ka chak tawh a ni," tiin a sawi.

Tun nipui bazar chhung-in Foxes hian goalkeeper Ron-Robert Zieler leh defender Luis Hernandez an lo lalut tawh a, Mendy hi King Power Stadium-a player thar pathumna a ni.