Reds vanga sum hnartu Marcus Willis

Kumin Wimbledon-a chanchin ngah ber tia chhal ngam Marcus Willis chuan Wimbledon second round-a Roger Federer a hmachhawn hma khan The Sun-in £15,000 (Rs. 13,37,708) hlawh tura an sawmna chu Liverpool fan ruhkawl a nih avangin a hnar!

Kum 1989 Hills-borough chhiatnaa Liver-pool fans 96 zetin nunna an chan ṭumin 'The Sun' chanchinbu hian 'Thudik chu' tih thupuia hmangin Liverpool fan-te thihna chu Reds fan-te thiam loh-ah an puh a, tun thlengin Liverpool fan-te chuan The Sun hi an ngaidam thei lo - heivang hian Willis pawh hian a kawr hmaa The Sun fakna ziak tura sawmna chu a hnar ta a ni.

World number 772 lek nichunga Wimbledon second round a luh avangin Willis hian ngaihven a hlawh hle a, Federer nen an inhmachhawn hmaa tennis khelh vanga a sum hlawhchhuah zawng zawng chu £220 (Rs. 19,619)chiah niin hetichung hian The Sun hi a hnar a, Wimbledon second round a luh vangin £50,000 (Rs. 44,59,027) a dawng thung.