Marseille ka chhuahsan ang - Batshuayi

Chelsea chuan lakluh tuma an hel mek Michy Batshuayi chu an rim thlu dawn ta niin a lang. Belgium striker hian Marseille a chhuhsan tur thu a sawi.

Kum 22-a upa Batshuayi hian season hmasa khan French Ligue 1 club tan hian inelna hrang hrangah goal 23 a khung. Blues hian pound maktaduai 33-in lakluh an tum mek a, an hlawhtling a nih chuan manager thar Antonio Conte-a'n Stamford Bridge-a player lakluh hmasak ber a ni ang.

Euro 2016-a Hungary leh Wales an hmachhawn ṭuma Belgium tana inlan ve Batshuayi chuan, "Tun nipui chhung hian Olympic Marseille ka chhuahsan dawn a, tun aṭanga rei lo teah ka hma hun a chiang ang," a ti.