Bolt a inhliam

Usain Bolt chu malpui na vangin enkawl mek a ni a, July 22 a neih tur London Anniversary Games leh Rio Olympic-ah te a inlan theih dawn leh dawn loh a chiang ta lo.

Olympic champion vawi ruk ni tawh Bolt hi Zirtawpni khan Jamaica Senior Championship-ah a inlan a, 100m semifinal-a hnehna a chan hnuah a malpui na vangin a inhnukdawk a, final pawh a tlan ta lo a ni.

Jamican sprinter ropui Bolt-a'n final a tlan theih loh takah chuan London 2012 silver medallist Yohan Blake chuan 9.95 seconds chhunga tlan thlengin pakhatna dinhmun a luah.

Kum 29-a upa Bolt hi Olympic 100m, 200m leh 4×400m relay gold medal kawl khawm mektu a ni a, Jamaica team manager Ludlow Watts chuan an sprinter ropui hi Rio-ah a inlan theih ngei a beisei thu sawiin, "Mi ṭha bikte Olympic-a an inlan theih ngeina turin Jamaica Athletics Administrative Association (JAAA) chuan dan leh hrai a nei," tiin Bolt tan hmun chan theih a nih thu a sawi.

Hetihlai hian Jamaica Olympic Association president Mike Fennell chuan turkar Ninganiah hian Olympic-a an ram aiawh tur hming an puan chhuah theih tawh a beisei thu a lo sawi ve bawk.