Udinese-in Liverpool an hnar

Liverpool chuan pound mak-taduai 11.7-in Udinese midfielder Piotr Zielinski lakluh tum mah se Premier League club dawrna hi Italian club chuan an hnar.

Reds tan Udinese thutlukna hi a ngeiawm hle - Zielinski an dawrna man zat thoa Napoli-in an dawrna chu Udinese hian an lo pawm tawh a, mah se season hnih chhung Empoli-a loan-a khel midfielder hian Napoli pan a duh loh avangin an inrem thei lo.

Udinese lamin Reds dawrna hi hnar mah se Poland international hian Anfield pan a duh miau avang-in season tharah Liverpool kawr ha chunga a inlan ngei a beiseiawm. Euro 2016-ah Poland player pawi-mawh pawl a ni a, ram tan vawi 16 inlan tawhin goal thum a khung ve tawh bawk.

Hetihlai hian season hman zawh taka AC Milan lama loan-a khel Mario Balotelli chuan Inrinni khan Liverpool training a zawm leh tawh. Liverpool hian an squad belhchhah turin pound maktaduai 34 man forward Sadio Mane, goalkeeper Loris Karius, midfielder Marko Grujic leh defender Joel Matip te an lalut tawh.