England enkawl tum lo Wenger

Roy Hodsgon-a'n England manager hna a bansan hnua England team enkawl tura sawirik zinga mi Arsene Wenger chuan Arsenal chhuahsan tumna a neih loh thu a sawi.

Kum 66-a upa manager chuan, "Arsenal-ah hian kum 2017 thleng cham turin contract ka nei a, ka contract hi engtiklai pawhin ka zah fo ṭhin. Kum 2017-a ka contract zawh huna ka tih tur erawh ka sawi lawk thei lo," tiin a contract zawh huna a hmalam hun tur erawh a sawi lawk thei lo.

French manager chuan sawi chhun-zawmin, "England hian player naupang rual leh quality tak tak an kawl avangin enkawl chu an chakawm khawp ang. Mahse, Football Association nen erawh inbiakna kan nei lo," a ti.

Hodgson thlak tura hming sawirik zingah Gareth Southgate chuan England enkawl chakna a neih loh thu a lo sawi tawh a, England manager hlui (1996–1999) Glenn Hoddle chu manager lailawk ni tura beisei a ni mek.