Wales-in UK aṭanga independence duh

Wales mipuite chuan European Union (EU) member a nih theihna atan United Kingdom aṭanga independence a duh a, independence phutin Inrinni khan an ramah kawngzawh an huaihawt.

Inrinni-a kawngzawh hi an ram khawpui, Cardiff bakah hmarlama Caenarfon khuaah huaihawt a ni a, mipui tel an tam hle. He kawngzawh hi A Free Wales in Europe pawlin an buatsaih a ni.

EU-a Britain ram awm chhun≠zawm leh chhunzawm loh chung≠changa vote lak a nih khan, Wales ramah hian EU chhuahsan duh, Brexit lamah vote 52.2% a tla a, awm chhunzawm duh lamah 47.5% a tla.

Welsh Conservative MP David Jones chuan kawngzawh huaihawt a ni chu a democracy kalphung lo hle nia a ngaih thu a sawi a, mipuite duhthlanna chu an zahsak tur a ni, a ti.

Mahse campaigner Ifan Morgan Jones chuan vote lak a nih hma hian a nghawng dan tur chiang takin Wales mipuite hnenah hriattir a ni lo tih a sawi a, sawihonaah pawh British chungchang chauh ngaihtuah a ni a, Wales ram chungchang sawiho a ni ve mang lo niin a sawi.