Mirza leh Hingis chak zel

Sania Mirza leh Martina Hingis te chuan Pathianni khan Japanese pair Eri Hozumi leh Miyu Kato te ṭang dun hnehin Wimbledon hmeichhe double third round an lut.

Seeded pakhatna Indo-Swiss duo hian Court no 3-ah minute 52 chhungin 6-3, 6-1 in hnehna an chang a, Christina McHale leh Jelena Ostapenko te
ṭang dun an hmachhawn zui leh dawn.

Kum 29-a upa Mirza te ṭhian dun hian an match hmasa zawkah set hloh loin hnehna an lo chang tawh bawk a, second round inkhelah pawh hian break point vawi riat an hmuh aṭanga vawi nga hmang ṭangkai theiin an service an hum ṭha a, awlsam takin an chak.