Arsenal player thar Takuma

Premier League pa-hnihna Arsenal chuan Takuma Asano chu J1 League club Sanfrecce Hiroshima aṭangin an lalut dawn tih a chiang ta.

Pathianni khan Gun-ners hian Japan striker an lakluh tur thu hi sawi chiang tawhin medi-cal test leh contract chung-changa tihfel ngai tlemte an la neih thu an sawi.

Kum 21-a upa Takuma hian Japan tan 2015 August thla khan a match hmasa ber khelin North Korea a hmachhawn a,
ṭum li inlan zui leh tawhin thla hmasa khan Bulgaria lakah goal khat a khung - Rio Olympic-a an ram aiawh tura thlan tel a ni nghe nghe.

Kum 2013 January khan Takuma hian San-frecce Hiroshima hi a zawm a, a club tan hian match 56 khel tawhin goal 11 a khung sak.

2015 J-League 'Rookie of the Year' a tana an thlan Takuma chuan, "A ngaihna ka hre lo rih hle, mahse khawi hmunah pawh kal ila ṭha taka khel thei turin inrintawkna ka nei," tiin chona thar hmachhawn a huphurh loh thu a sawi.

Arsenal hian tun nupui chhungin Switzerland midfielder Granit Xhaka an lalut tawhin Takuma hi an player thar pahnihna a ni a, Leicester City striker Jamie Vardy erawhin Gunners sawmna hnawlin champion team-a awm zel a thlang.