PSG an inlak belh zel

French Ligue 1 cham-pion Paris St-Germain chuan season thar atan an squad an thuam chak mek zel. Nice winger Hatem Ben Arfa an lakluh hnuah Euro 2016 khel zo hlim Poland midfielder Grzegorz Krychowiak leh Belgium defender Thomas Meunier an lalut ve leh ta.

Manager thar Unai Emery-a'n La Liga club Sevilla lama season hnih chhung a lo chhawr tawh kum 26-a upa Krychowiak hi midfield thuam chaktu a nih ngei a rinawm a, Paris club tan hian season nga daih contract a ziak.

Belgium club Brugge right back Meunier hi kum 24 chauha upa a la nih avangin hma hun êng tak a nei a ngaih a ni a, PSG hian kum li daih contract an ziah pui phawt.

PSG hian Ligue 1, French Cup leh League Cup velah rorel hnehsawh viau mah se Champions League-a hlawhtlin ve an duh a, manager Laurent Blanc banin Emery an lalut a, striker Zlatan Ibra-himovic chu free transfer-in Manchester United lamah kal bawk mah se tun nipui transfer chhungin player pathum an la lut tawh a ni.