Zaza-a'n ngaihdam a dil

Italy forward Simone Zaza chuan Euro 2016 quarterfinal-a Germany nen an inhmachhawn ṭuma a penalty pet goal loh chu engtikahmah a theihnghilh tawh ngai loh tur thu a sawi.

Juventus striker hi Germany nen an inhma-chhawn ṭum hian penalty pet tur hrim hrima luhtir a ni a, German keeper Manuel Neuer bum mah se goal chung lamah ball a thlawh.

Milan khawpuia Italy player lo hmuaktu mipui pungkhawm hmaah Zaza chuan, "Ka career-a penalty pawimawh ber pawl tih ngam chu ka pet goal lo a, ka damchhung zawngin ka hre reng tawh dawn a nih hi. Ka Italian puite rilru ka tihnat avangin ngaihdam ka dil a ni," tiin a inthiam lo hle.

Italy tan vawi 14 a inlan tawha goal khat chiah la khungtu striker chuan sawi chhunzawmin, "Kha penalty kha theihnghilh tawh ka duh em em a, mah se a harsa a ni. Italy mipuite hian kan theihna zawng zawng kan hlan a ni tih min hriat sak se ka duh takzet a, game
ṭha tak kan khelh avangin penalty hmanga chak lo nih hi a hrehawm a ni," tiin ngaiawh leh mai a harsat thu a sawi.