Coleman-a'n England enkawl a tum lo

England boss tur an in-rin-siak zel a, tun hnaia hming sawirik zinga mi chu Wales manger Chris Coleman a ni. Mahse, Euro 2016 semifinal-a an ram hruai thlengtu coach huan England enkawl chuan a ngaihtuahna a luah ngai loh thu a sawi.

Player a nih laia Wales tana vawi 32 inlan tawh defender hlui chuan, "England hian min sawm ka ring lo a, chutih rual chuan England enkawl hi ka ngaihtuah ngai lo bawk. Welsh ka ni a, ram team ka enkawl dawn a nih chuan Wales chiah a ni ang. Ram dang a awm thei lo," a ti.

Fulham, Coventry, Real Sociedad leh Larissa boss hlui chuan a hmalam hun sawi chhunzawmin, "Team dang ka enkawl dawn chuan Britain pawn lamah nise ka duh a, chu chu Champions League-a team kaihhruai theihna hun remchang ber a ni," tiin a duhthusam a sawi.

Kum 46-a upa manager chuan sawi chhunzawmin, "Champions League club Premier League-a enkawl tur chuan club lian tak an nih a ngai a, England-ah chuan chutiang club enkawlna hun ṭha ka neiin ka ring lo. Champions Leahue club enkawl ngei erawh ka duh a, mah se Wales ni lo ram dang erawh ka enkawl lo ang," tiin England coach nih a tum lo.