Pa ropui kan chan - Giaccherini

Emanuele Giaccherini chuan Antonio Conte-a'n Chelsea a zawm avangin Italy-in pa ropui an chan thu a sawi.

Azzurri hian quarter-final-ah Germany chu penalty-a hneh loin Euro 2016 aṭangin an tla, Bologna FC midfielder Giaccherini chuan, "A (Conte) mittui a tla ngei a, amah chauh a ni lo - mittui a sur. Conte hi pa ropui a ni, champion duhna thinlung neiin player pangngai kha indonaa hman tlakah min chhuah a, Italy tan channa nasa tak a ni," tiin a ui thu a sawi.

Euro 2016-a khel ṭha em em Giaccherini chuan an theihna zawng zawng ram tana an hlan avangin an hnathawh chu mipuiin hre reng se a duhthu a sawi tel bawk.

Conte hmun ruak hi kum 68-a upa Giampiero Ventura-a'n a hnawhkhat dawn a. Torino manager hlui hmabak hi a hu-phurhawm hle.