PUC tan beiseina thar

Women & Child Development I Day Inter College Women's Football Tournament 2024-ah Pachhunga University-in final luh beiseina nei turin nimin khan T. Romana College 11-0 in an sawp. Inkhel dangah Govt Aizawl College-in Hrangbana College 3-2 in an hneh bawk.

Team pali hi vawi khat ṭheuh an inkhelh kual hnuah a sang pahnihin final an khel dawn. T. Romana College chauhin beisei tur an nei tawh lo. August 12, Thawhṭannia khelh tur group match hnuhnung berah GAC leh PUC te an inkhel dawn a, HBC-in TRC an hmachhawn thung ang.