US team an tho chhuak

United States mipa basketball team tan kawng a awlsam vek bik lo - LeBron James leh Stephen Curry te awmna ram hi point 13 ngawta an hnufual hnuin Serbia lakah 95-91 a hnehin final an lut.

NBA star rual an ni a, tawnhriat nei ṭha leh khawvela a ṭha ber berte an ni hlawm. Mahse, US team hi quarter hnuhnung berah pawh point 13 ngawtin a hnufual zawk an ni tlat, a tawpah erawh an chak hram.

Point 36 neia a team chak puitu Curry chuan, "USA basketball inkhel hi vawi tam tak ka en tawh a, chak lo thei dinhmuna din hnuah pawh beidawng loa bei ṭhin kan nihna a takin a lang leh ta," a ti.

American team hian a zawna a vawi nga nan Olympic gold medal an beisei mek, final-ah France an hmachhawn ang. Inelna thlengtu France hian semifinal inkhel dangah Germany chu 73-69 in an lo hneh ve thung.