Egypt sawptu Morocco tan Olympic bronze

Olympic mipa football semifinal-a chak zo lo Egypt leh Morocco te chu Ningani zan khan pathumna inchuhin an inkhel a, Morocco-in 6-0 ngawta hnehna changin bronze medal an hlawh chhuak.

Morocco tan Soufiane Rahimi chuan goal hnih khungin, Abde Ezzalzouli, Bilal El Khannouss, Akram Nakach leh Achraf Hakimi ten goal khat ṭheuh an khung a, hun tawp thlenga goal dang lut loin Morocco an chak a, bronze medal an hlawh.

Nizan dar 9:30 khan inelna thlengtu France leh Spain te gold medal inchuhin an inkhel a, he thu buatsaih a nih lai hian result kan hre hman lo.