LBS Suzuki CYMA Volleyball : Vawiinah hmeichhe inelna quarterfinal

CYMA leh Mizoram Volleyball Association (MVA) buatsaih LBS Suzuki 23rd Inter Branch YMA Volleyball Tournament 2024 chu R. Dengṭhuama Hall-ah khelh chhunzawm zel a ni a, mipa inelnaah team 12 chauh dam tawhin hmeichhe inelnaah team riat chauh an awm tawh.

Vawiin hian hmeichhe inelna quarterfinal match li khelh zawh nghal a ni ang. Mipa inelnaah Hunthar, Chhinga Veng, Muanna Veng leh Khawhai ten quarterfinal an lut tawh. Last 16 khelh hmabak match li hi vawiinah khelh a ni ang.

Inelna hi court pathumah khelh tur a ni a, match hmasa ber hi dar 9:30-ah khelh ṭan tur a ni. Inkhel hi LPS 10 bakah Mizoram Volleyball Association leh Central YMA YouTube channel-ah live telecast-a en theih a ni ang.