Man United-ah De Ligt leh Mazraoui

Manchester United-in Bayern Munich aṭangin Matthijs de Ligt leh Noussair Mazraoui te an la lut dawn a, an man belhkhawm hian £50mtd a pel hret ang. English right back Aaron Wan-Bissaka-a'n West Ham United a zawm thung ang.

Erik Ten Hag-a kaihhruai Ajax-in kum 2019-a UCL semifinal an thlen ṭum khan De Ligt hi captain a ni a, Man United hian £38.6mtd (£4.3mtd add-ons) in an la lut dawn. Morocco defender Mazraoui hi £12.9mtd a ni thung ang.

Man United hi Jarrad Branthwaite nen sawi zawm ni mah se Everton-in £70mtd an chhiar a, tawnhriat ngah zawk leh man tlawm zawk De Ligt lei an thlang. English club hian an captain Bruno Fernandes chu kum 2027 thleng bakah kum khat dang pawhsei theih turin contract an ziahpui hnai bawk.