Vawiinah Veteran quarterfinal

Sorazo I Day Veteran Football Tournament group stage chu August 10, Inrinni khan khelh zawh a ni a, vawiin hian Chite Ground-ah quarterfinal khelh a ni ang.

Inelnaah han team 18 an tel a; 2K Generation, Mizoram Ex Services League, Sorazo Veteran FC, Leitan Veteran FC, Electric Veng Veteran FC leh College Veng Veteran FC te chu mahni group ṭheuha pakhatna an ni.

Pahnihna paruk zingah a ti ṭha pahnih Mizoram Police Veteran leh Active Veteran ten quarterfinal an lut ve bawk. Active Veteran hian group match hnuhnung berah Veteran Lily Veng chu 9-0 in an sawp a, goal difference hmangin D-Liana FC an vanduai phah a ni.