Final khel tur a hriat dawn

Women & Child Development I Day Inter College Women's Football Tournament 2024 group match hnuhnung ber chu vawiin hian Lammualah khelh a ni dawn.

Point ruk hmu tawh Govt. Aizawl College-in vawiin chhun dar 12:30-ah Pachhunga University an hmachhawn ang a, Hrangbana College-in tlai dar 2:30-ah tla tawh T. Romana College an hmachhawn ang. GAC, PUC leh HBC ten final beiseina an nei vek a, nomawi inchuhna hi August 15, Ninganiah khelh a ni ang.