Thomas Bach a chawl dawn

International Olympic Committee (IOC) president Thomas Bach chuan nakkum hian a hun (term) hnihna a hmang zo dawn a, chumi hunah chuan a nihna aṭanga chawlh a tum tih a sawi.

German dan hre mi Bach hian kum 2013 aṭang khan IOC president nihna hi a chelh tawh, chawlh a tum thu hi Paris Olympic neih laiin a sawi thut a, hei hian a thawhpuite pawh a barakhaih hle.

Bach chuan, "Kum 12 chhung tehmeuh chu IOC president office ka luah tawh a, hruaitu ṭha leh fel tak takte thla zar hnuaiah hna pawh ṭha takin kan thawkin ka hria, tunah chuan hruaitu inthlak a hun dawn ta," a ti.

IOC president thar hi nakkum March thlaah thlan a ni dawn a, president thar thar chuan kum 2025 June thla aṭangin Bach hnen aṭangin mawhphurhna a la ṭan ang.

A vanglai chuan Bach hian Germany tan Fencing a bei ṭhin a, Olympic 1976 khan gold medal a lo la tawh. Kum 1991 aṭang khan IOC thuneitu zingah telin kum 11 liamta khan Jacques Rogge thlakin president a ni.